استريحوا كي لا تضيــع البقية

أنا فتاه اردنيه، فلسطينية الأصل، وأمنية حياتي أن ازور فلسطين، أن أصلي في المسجد الأقصى، أن أرى يافا وحيفا والقدس وبيت لحم.. في محاولة بائسه من حضرتي قدمت على فيزا لزيارة الأراضي الفلسطينيه المحتله من خلال مكتب في عمان، بغض النظر عن ميول هذا المكتب التطبيعيه، وعن الخلل الأخلاقي اللامنطقي في هذه الرحلات التي تنظمها مكاتب في عمان، أردت بأي ثمن أن احقق أمنيتي، اقنعت صديقتي بالذهاب معي، الرحله هي عبارة عن يومين وليلة واحده، نزور فيها يافا وحيفا ولقدس ثم نعود إلى عمان..

بعد طول إنتظار و ترقب و أمل، وإقتراب موعد الرحله، يهاتفني المكتب المسؤول عن تنظيم الرحله ليقول “متأسف، ما طلعتلك ألفيزا” ..

ما طلعتلي فيزا مشان ازور وطني…

مع كل الحزن والأسى و خيبة الأمل لا أجد أنسب من قصيدة الشاعر الفلسطيني تميم البرغوثي “ستي أم عطا”

في يدينا بقيه من بلاد… فاستريحوا كي لا تضيع البقيه..

طمنوا ستي ام عطا  بإنه  القضـية          من زمان المندوب وهي زي  ما هية

لسـة بنفاصل القنـاصل علـيها          زي   ما  بتفـاصلي مع الغجريه

لكـن  اطمـني  وصـلنا  معاهم          بين   ستة  وستة  ونص  في  الميـة

بطلـع لهم يا ستي حيـفا  ويـافا           ولنا  خرفيش  وسيسـعة  بـرية

ولنا دولة يحرسـها طير السـنونو           يا ام عطا  ولبسوه  رتب عسكرية

والسنونـو  إله   نمو   اقتصـادي          والسنونـو إلـه   خطط  أمنـية

والسنونـو عم ينبذ  العنف ويعلن           إلتزامـه الكـامل  بالاتفــاقية

ولنا برضه يا سـتي سجـادة حمرا           تالسنونـو  يأدي  عليها التحـية

والنـا قمة يدعـو إليها السنـونو          يعقدوها  في  الجامـعة   العربيـة

حيـوا  برج  الحمام  وحيوا حمامه           من  ملوك  المحبـة  والأخــوية

يا  حمـام  البـروج  ويا مواليـنا           يا دوا الجـرح  ويا شـفا البردية

يا شـداد  الخطـر على  أعـادينا          وحبكو إلنا  حب قيـس للعامرية

راح أقول اللي قالوا  طوقان  قبلي           أخو فدوى  وبن  الأصول  الزكية

في  يـدينـا  بقيـة   من  بـلادٍ           فاستريحوا كي لا تضيــع البقية

15 responses to “استريحوا كي لا تضيــع البقية

  1. Pingback: Tweets that mention استريحوا كي لا تضيــع البقية « Blabbrgirl's Blog -- Topsy.com

  2. انا نفسي اروح…لكن وجهات النظر بموضوع الختم الاسرائيلي على جواز السفر هو المشكله

    بالبدايه انا كانت فكرتي انه ختم و مش اعتراف بوجودهم….بس لمّا قرأت اكتر عن رأي الناس اقتنعت

    الله يكتبلنا زيارتها عن قريب و يكتبلنا الصلاه باالمسجد الاقصى

    • مرحبا وسبر، أنا معك، الموضوع كله مش مريح، بس مش عارفه صراحة، يعني أحسن إنه ما نزور الأراضي المحتله أبداً؟
      إن شاء الله عن قريب بترجع فلسطين لا أهلها و-كلنا بنزور القدس..

  3. الحال من بعضه و الله!
    عنوان إدراجك يكفي و زيادة بصراحة.

  4. منهى القهر

    مافي شيء كبير على ربنا, وانشاءالله ربي يكتبلك الزيارة قريبا
    و يكتبلها للجميع يارب🙂

  5. لا حول و لا قوة إلا بالله
    ذكرتيني بالمثل اللي بقول رضينا بالهم و الهم ما رضي فينا
    الله يكون في عونك على هيك فقسة

    ان شاء الله ربنا بكتبلنا جميعا صلاة في رحاب الأقصى المحررة بإذنه

    و قصيدة ستي إم عطا بالتأكيد من أجمل ما كُتب عن واقعنا المؤلم

    • Palestinian Princess
      أهلاً وسهلاً فيكي في مدونتي..
      اه والله كانت فقسه، جد كتأبت لما حكالي ما طلعتلك فيزا فعلاً اشي بقهر!
      جداً رائع تميم برغوثي في تصوير واقع فلسطين المؤلم..

  6. بصراحة انا مش مع هاي المكاتب السياحية ، لانو زي ما انت حكيت مبدأها خطأ من البداية ، و زي ما حكت ويسبر وجود ختم اسرائيلي على الجواز ما هو الا تطبيع بشكل او بأخر ،

    ان شاء الله خير ، و كلنا نزور فلسطين كلها

    • أهلاً محمد،
      نعم بأيدك أنا، هي المكاتب ول فيزا الإسرائيليه هي فعلاً تطبيع لا راح ولا اجا، بس والله نفسي أروح ع فلسطين.. إن شاء الله بنزورها من دون ما نحتاج لإذن من الصهاينه!

  7. يعني معقول لازور بلدي لازمني فيزا باي كوكب نحنا

    هادا بينطبق علي كمان

  8. رضينا بالهم والهم ما رضي فينا….يعني فوق ذل طلب فيزا من محتل حتى نزور ارضنا كمان بيرفضوها!!!1
    حسبي الله ونعم الوكيل على كل من اوصلنا لهالدرجه من الاهانه والتذلل

  9. ghareeb aldarغريب الدار

    أنا أرفض أن أدخل بلادي ووطني بمنة من الاعداء, إن قدر الله لي أن ازورها بدون تأشيرة إسرائيلية كان بها والا فلا جداعي لتلك الزيارة تحت حراب بني صهيون

  10. ghareeb aldarغريب الدار

    أنا أرفض أن أدخل بلادي ووطني بمنة من الاعداء, إن قدر الله لي أن ازورها بدون تأشيرة إسرائيلية كان بها والا فلا داعي لتلك الزيارة تحت حراب بني صهيون

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s