شباب فاضيين

هالأيام هاي مش محتاجه منبه مشان اصحى الصبح لأنه الحمدلله في شاب زباله برن ع موبايلي كل يوم الصبح ولفجر وبنص الليل.. أنا مو أاهرني اشي غير إنو نفسي أفهم ايمتى بنام!! الصراحة كتير أشياء أاهرتني غير هيك، انشالله عمرو ما نام أنا مالي ومالو، بس أنا جد نفسي أفهم شو بيستفيد لما يضل يرن ع موبايلي؟ يعني هل ممكن إنو أرد عليه ونتعرف ع بعد وأنصير نحب بعض على التليفون؟ يعني أنا شايفه الموضوع كتير غريب بس لو إنو مافي بنات تافهين بردو عليهم وبيسلوهم كان ما بضلهم يرنرنو، يعني أكيد الشاب الزباله إلي بحب يرن بنص الليل مجرب قبل هيك وملائي نتيجه ولا ما كان بضل يتصل، إلا إذا هو أغبى انسان بالحياه بضل يعمل نفس الاشي وبيتوقع نتائج مختلفه..

بما اني منزعجه جداً من الشاب التافه قررت اني أحكي مع شركة زين وأطلب منهم إنو هذا الرقم ما يرن ع موبايلي، يعني أكيد في طريقة إنو من عندهم ما يحولوا المكالمه، بس طلع هذا ال-option مش موجود عندهم، لازم أروح عل شركه نفسها واكتب شكوه خطيه بالرقم وتاريخ وساعة المكالمات.. إنو أنا عندي وقت أروح اكتب شكاوي..

نرجع للشاب إلي ما ورا شغله ولا عمله غير يتصل ع أرقام عشوائيه ويستنى بنت ترد عليه مشان ما يحل عنها ويقرفها تلفونات، برن تقريباً ٥ مرات باليوم، يعني ماشالله عليه مثابر إلزلمه، بس هل هو بيتصل بغرض الإزعاج ولا هي طريقة الشباب الفاضيين بالتسليه ولا هل ممكن إنو في بنات وشباب بتعرفوا ع بعض بهي الطريقة و بيعملوا علاقات هاتفيه الله أعلم شو طبيعتها..معقول إنو في شاب بكون هلأد فاضي وتافه؟! جد نفسي أعرف شو الهدف من هي المعاكسات!

المضحك بالموضوع إنو من اسبوعين لهلأ ما رديت غير مرة وحده لما عرفت إنو واحد بيتبياخ بس لهلأ ما ستوعب إنو أنا عمري ما راح أرد عل تليفون..

4 responses to “شباب فاضيين

  1. Pingback: Tweets that mention شباب فاضيين « Blabbrgirl's Blog -- Topsy.com

  2. هيثم الشيشاني Haitham Al-Sheeshany

    تطنيش مثل عالنوع هو الحلّ ، بتوقع إنو حيحاول يتصل من رقم آخر إذا ما رديتي أو قدمتي ضده شكوى خطية.
    عالم فاضية لدرجة الجنون، شو نعمل!😦

  3. Ashraf wrote about it here
    Anyway, it happens to me all the time, only 5 calls is like a dream to me, this dude once called 59 times gher elli raddait 3aleh feehom w oltello ma yettasel, I have an option in my phone to accept calls from contacts only, plus Umniah have that service where you can block a number. Seriously, ma bezha2w abadan

  4. مستحيل في شباب وبنات تافهين لهي الدرجه! راح أروح ع زين اكتب شكوى بكل الأرقام ول تواريخ ول ساعة إلي بيتصل فيها..

    Rand thank you for sharing this link, I thought I had a very lame hypothesis about these guys actually calling random numbers to meet girls, I guess it’s not so lams we after all, I seriously feel horrible for girls who are willing to meet guys this way.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s