نحنا ما عنَّا بنات تتوظَّف بشهادتها

تتنوع التفاهة والعصبيه في أغاني محمد اسكندر من “وحدك ما بمشيكي انا اللي بحميكي، اللي بيطلّع فيكي ليتّملو عيالو” إلى الأغنيه الجديده إلي بقول فيها “نحنا ما عنَّا بنات تتوظَّف بشهادتها”..

يالله منيح ما حكى نحن ما عنا بنات تتعلم وتجيب شهادة! سمحلها تتعلم بس هي الشهاده بتعلقها عل حيط ببيت أهلها، هو أصلاً الشهاده مطلوبه كمؤهل للزواج – مرة كنت بالصالون اجت مرا كبيره سألتني شو معي شهادة! آل ابنها بدو وحده مخلصة ماجستير بس ما تكون بتشتغل! – هلأ بفهم إنو البنت تكون متعلمه ودارسه اشي كتير مهم، وبفهم إنو الرجل يكون بفضل إنو زوجته ما تشتغل إذا كان عندهم أطفال صغار، بس ما بفهم لش ممكن أكون مخلصة ماجستير وقاعده بالبيت بنتظر بفارس أحلامي، مش أحسن لو أكون عم بشتغل بدل ما أكون عاله على أهلي وعل مجتمع؟

ما علينا، أنا فكرت إنه محمد اسكندر ما بدو حبيبتو تشتغل مشان تضل بالبيت تعتني بالأطفال وتربيهم طلع الموضوع كتير غير هيك، طلع إلزلمه عنده حب تملك، فيقول “شغلك قلبي وعاطفتي وحناني مش رح تفضي لأي شي تاني” معقول يغار الرجل من وظيفة زوجته؟ “تَنفرض بقبل تشتغلي، شو منعمل بجمالك؟” ما بعرف شو القصد بس بجوز إنه إذا زوجته مش كتير حلوه عادي تشتغل، إذا الموضوع حلاوه أو بشاعة تلبس شرعي وتروح تشتغل! “بكرا المدير بيعشق وبيتحرّك إحساسو” يعني هو المدير زلمه منحط حاطط عينو ع مرا متزوجه؟! ولا مافي أي ثقة بإخلاص أو قوة شخصية الزوجه؟!

هي الأغنيه برأيي تعبر عن رجل شخصيته مهزوزه لدرجة غير طبيعيه..ما بعرف كيف بينشروا الغباء هيك، يعني بقول “يلعن بي المصاري” مش أريح للشاب إنه زوجته تشتغل وتساعده في مصروف البيت؟ خصوصاً إذا متزوجين جديد وتاكين أولوفات على عرس سخيف وعايشين مديونين؟

About these ads

24 responses to “نحنا ما عنَّا بنات تتوظَّف بشهادتها

  1. دخيل رب التخلّف انا بس! البنت بتضيّع عمرها تتعلّم علشان ييجي سبع البرمبة يستّتها
    شو هالقرف
    لأ بس شو … حمش الأخ
    ياللا نضب نص المجتمع بالبيت و نرجع لأيّام الجمال … و الحمير اللي بتغنّي

  2. Haitham Al-Sheeshany

    المشكلة الأغاني اللي زي هيك هيه اللي بتلقى رواج ! و لو مؤقت

    الجمهور عاوز كده! فعلا ً تخلف :(

  3. أشكرك جدا على طرحك لموضوع عمل المرأة في المجتمع وهي قضية فعلا أصبحت تشكل أزمة حقيقية لدى مختلف الفئات في المجتمع بين مؤيد ولكن ليس لغايات ونوايا حسنة بل للاستيلاء على راتب الفتاة أو المرأه واحتكاره والامثلة عديدة على هذه الفئة وبين فئة المعارض الذي يدعي أن الفتيات أصبحن يحتكرن مختلف الوظائف وبالتالي هذا أدى إلى ارتفاع نسبة البطالة بين الشباب وهنالك بالطبع من يعارض لغايات تشبه غايات محمد اسكندر في أغانيه التافهة بسبب الغيرة وحب التملك وكأن المرأة مخلوقة فقط لاسعاد الرجل وهنا بالطبع تكمن مشكلة بعض الانماط من الشخصيات العربية التي تعتقد أن الأنثى يجب أن يكون عملها الوحيد هو تلبية احتياجات ورغبات الرجل أما عند الحديث عن احتياجاتها ورغباتها فليس هنالك نقاش في هذا الموضوع لأنها تكون في هذه الحالة امرأة متمردة ولاتطيع رجلها ولاتحبه

    المشكله أن أغاني محمد اسكندر سواء هذه الاغنية أو الاغنية التي سبقتها “قولي بحبني
    هي اغاني توافق أهواء وأفكار العديد من الجمهور كما قال أخي هيثم وهذا يعطيك مؤشرا واضحا على مدى تواجد الشخصيات والانماط التي ذكرتها في مجتمعاتنا العربية وبكل أسف

    نهارك سعيد

  4. Re: Ashraf,

    It is not only an Arab thing, “Women belong to the kitchen” mentality is everywhere.. I mean this song is kinda degrading to women, but not as degrading as rap music, for example.

    Looking at this from a different perspective, he actually has a point, 90% of girls get hired based on their looks (amount of exposed flesh) not their brains (Shahadat) !!

  5. I feel stupid for writing in English, but no Arabic keyboard for poor Haitham =(

    Anyways, that other day I was out with my family in the car when my sister insisted on tuning into an Arabic songs station, and I swear to God, I told my parents to stop aside and let me go back home by a taxi! I could not tolerate that shit I heard, violence, shit, and the strangest was the theme of falling in love with a teen girl! SICK!

    And why the heck does that guy want a girl with a Masters but not working?!!! he must be suffering from grandiose delusions! Sadist men! I hate them!

  6. المغني متخلف ويفتخر بذلك وفهمناها
    اغانيه مين خلاها مشهورة؟ مش المجتمع؟
    مش نفس المجتمع الي نسبة تعليم البنات فيه صارت عم بتزيد ع نسبتها عند الشباب
    في اشي غلط بالموضوع
    طب ماشي مرقناها

    الاذاعات كيف بتقبل ع حالها تبث هيك اغنية .. نحكي تجارة
    وين دور مؤسسات المرأة الي قرفتنا حكي؟
    مش المفروض تضغط ع الاذاعات لتمنع هيك غبا ؟

    اشي بيقهر

  7. قويدر يا ريت بدو يقعدها بالبيت لسبب مقنع. قمة التخلف إنه بس بدو تضل بالبيت غيره وحب تملك! أنا عم بسماع كتير بنات وشباب برددو هي الأغنيه، أكيد في كتير صبايا هيك طموحهم يتزوجوا ويتستتو بالبيت.

    هيثم الشيشاني معك حق، هي الأغنيه عم بسمعها كل مكان هي الأيام، راديو، بالسيارات، بالخطب ول أعراس. المغني متخلف ولجمهور مش عارف وين الله حاطو

    أشرف، أنا مع أنس بإنه هي الظاهرة مش عربيه بحته، بس أكيد منتشرة عند العرب أكثر، هلأ أنا بعرف كتير شركة كبيره بتفضل توظف رجل وليس إمرأة إذا كان عند الشخصين نفس الكفاءت.. بس إجمالاً المرأة لديها دافعيه أكبر لإثبات نفسها في العمل حتى تكسر نظرة المجتمع لها بأنها أقل كفاءة. أنا شخصياً مع إنه المرأة تتفرغ لأسرتها في فترة معينه من حياتها وحياة أطفالها، ولكن أبداً مش مع التخلف وحب التملك. شكراً الك

    أنس: خلال حياتي المهنيه عملت في شركتين في الأردن، فيهم كان ٩٠٪ من البنات بيلبسوا حجاب. كتير مهم الفتاه تختار مكان عمل ملائم بمظهرها ومعتقداتها وكفأتها العلميه والعمليه. وكل بنت بتحترم وبتقدر نفسها ما بترضى تشتغل بجسدها!

    هيثم عادي اكتب بأي لغة بتفضل :) بس إذا ما عندك كيبورد عربي جرب يملي كتير منيح. الأغاني جاد مقرفه، عربي ولا أجنبي أنا مرات بستغرب إنو بحطوها عل راديو بنص النهار يسمعها أطفال! بالنسبه لل محروس إلي بدو وحده معها ماجستير وما بتشتغل الله أعلم بجوز أمراض نفسيه، أو بجوز بدو يحكي لا صحابو مرتي معها ماجستير!
    URL: Yamli.com

    watan أهلاً وسهلاً.. المغني متخلف ولمجتمع إذا ما كان واعي ومثقف – مش بس متعلم – بكون مجتمع ضايع مش عارف وين الله حطوا، ومؤسسات المرأة بس شاطرين يعملو لجان ومؤتمرات ويضيعوا وقتهم بأمور شكليه.

  8. wala 2inha btjanen hal 2o8nih 3la fikra hi tane 2o8nih 7ilweh 2ilo

  9. bs ya jma3a fe nas bidhom yt3lamo wnas ma bidho wnas bifadlo 2lzwaj 3la 2lta3lem lano 2walha ma bi7iso lma 2i5alfo wiser ben 2lzawjen mshakel btser 2lmra 2t2ol ya retne 2t3lamt wma 2tzwajt wbesero 2i2olo ya ret wya ret

  10. غريب انو هيك اغنية تاخد كل هالتعليقات/ الاغنية حكت (عندنا البنت بتتدلل وكل شي بيجي لخدمتها) مين فيكم بقوم بواجب بيتو كامل كل الديانات كرمة المرأة وحكت عن حقوقها/ كلكم حكيتوا عن المجتمع متخلف لانو سمع الاغنية والمغني بدو المرأة تقعد في البيت عشان يتملكها/ وانتوا بتحكوا انو من حقها تشتغل بس يا نرى في واحد فيكم فكر التعب الكبير والمسؤولية اللي بتكون على عاتق المرأة لما تكون تشتغل وعندها بيت واطفال
    وبكل لساطة برجع الرجل بس بدو يلاقي اكلو جاهز وكل شي تحت ايدو/ سؤال لكل الشباب المعترضين في واحد فيكم بيجي من شغلو بروح يعمل اكل ويطبخ وطبعا يكوي ويغسل؟؟ على اساس طبعا المساواة لانو المرأة بتيجي من الشغل تنظف وتطبخ وتشوف الاولاد .. الخ واللي مش متزوج لما يرجع البيت من الشغل بروح يعمل الاكل او على الاقل برتب السرير اللي بنام عليه/ حق المراة اولا بالاحترام وتقدير دورها مو زيادة الاعباء اللي عليها / ولكل بنت موجودة تطالب الناس بانو يحترموها ويسمعوا رأيها مو بس ابوها او زوجها يبعتها على الشغل عشان يستفيد من المصاري اللي بتجيبهم هاد هو الظلم والتخلف والاستعباد مو انو تقعد في البيت معززة ومكرمة كل طلباتها مجابة ؟؟ انا بفضل اللي ارتبط فيه يكون عندو اخلاف وبحترم المرأة وكمان بحافظ عليها مو بس يحكي في حقها تشتغل وتقرر مصيرها واخر الشهر يحكيلها وين مصروف البيت / بتوقع ما ضل رجال. بس بدنا نقلد الغرب في الكلام وبس ومطالبة في حقوق المرأة بدون فهم للامور
    شكرا

  11. الاغنية ناااااااااار

  12. اعتقد بأن الاغنية لاقت رواج كبير بين الناس لانها من صلب المشاكل الاجتماعية ولا اعتقد بأنه اهان المرأة وقلل من قيمتها وشأنها حينما قال نحنا ما عنا بنات تتوظف بشهادتها اي ممكن يكون عندها شهادة ومتعلمة وملكة في بيتها بدون بهدلة العمل والتي لا تخفى على احد
    اعتقد ايضا انها خاطبت ضمير كل فتاه محافظة ولديها شعور باهمية المراة في بناء المجتمع الصالح في زمن تكثر فيه الرذيلة والى الامام يا محمد اكندر

  13. المرأة مدرسة وهذه المدرسة يجب ان تتعلم لكي تكون منارة لابنائها وهذه المدرسة يجب ان تكون في مكان القدسية كما علمتناام الرب . فعملهادقيق جدا لانها تتعامل مع الكيان البشري وهي مركز تطور البشرية ولا يجب على المرأة ان تعمل الا في نواحي التربية والامومة . اما من يريدها سلعة هو نفس الشخص الذي وضع حقوق للمرأة لجعلها مركزا لاهدافهوامراضه الجنسية . وليست الحضارة بجعل المرأة سلعة جنسية ولو كانت الحضارة بجعلها سسلعة جنسية لما وصل هذا الجاهل اليوم الذي بقول ان تقديس الامرأة وجعلها مدرسة هو تخلف لما كان على قيد الحياة لانها تكون قد اجهضته في بئر ما . التخلف ان تكزن انسانا تضخمت فيك الانا الدونية او الادنى اي الحيوانية وصرت لا تفهم الا بلغة الحيوانية والحيوانية هنا معناه بعلم النفس هذا معنى التخلف . اما اذا كان الانا الاعلى هو المسيطر في عقل الامرأة اي انها محافظة متعلمة وكانت مدرسة للبشرية ولبنائها حينها تكون قد دفعت المجتمع الى الامام تكون قد بلغت الحضارة والتحضر .

  14. الأغنية حلوة كتير ما بعرف ليش انتو مكبرين الموضوع

  15. يا ستي انتي وياها ليه العصبيه يعني كلشي بينسمع بيتصدء ؟ولا بينعمل فيه؟ خلينا نهيص شوي مهو في الدئيئه بتطلع مليون غنيه يعني اسمعي هالغنيه اليوم وبكره اكيد حتنسيها

  16. الله يسلملي حبيبي عسل اروع الشباب والله الاغنية روعة كتير الحكي عسل هي موو مكفى تحب وتكون رئسة الجمهورية

  17. يا اخوة المغني بغني لبنتو وليس لزوجتو لو حضرتو لكليب تاع الاغنية البنت بتبقى تنادي على ابوها وتتطلب تشتغل بعد ما تتخرج وهو من حبوا الها ولانو موفر الها كل شي حكالها احنا ما عنا بنات تشتغل عنا البنت تتدلل وكمان حتى الدين طلب اكرام المراة وانو المراة بتطلع من بيتها لضرورة ، ماشي تعلمت ليه ما تستعمل شهادتها لمن تكون بحاجة الها ،/ مو التعليم مطلوب الها ؟؟ اي عشان هي العنصر المهم بتنمية وتربية اجيال في المجتمع اجيال صالحة ازا ما تعلمت كيف تعلم اطفالها الصح من الخطأ ، هاد اهم بكتيرررررررررر من العمل بالخارج وخاصة ازا زوجها او ابوها موفر لها كل التزاماتها ازا ما اشتغلت برا البيت هاد لا يعني انها عالة على المجتمع لانو المراة تحمل مسؤوليات اكبر من هيك داخل بيتها من تربية اجيال وعندها بيتها وزوجها وحالها ، المرأة هي مدرسة كيف تخدم المجتمع ازا بدها تطلع جيل فاشل ومهزوز ؟؟؟ كيف تخدم مجتمع بشهادتها ازا ما الشهادة خدمتها في بيتها واطفالها وزوجها ؟؟؟ اكيد المغني ما قصد وبالنسبة لمن قال بكرة المدير بيعشق وبتحرك احساسو.. ليه نكزب هلا ما في مدراء ما بحترموا موظفينهم ، احنا عنا البنت الي تشتغل بمجتمعنا الفلسطيني متلا اول شرط للبنت تكون مظهر من الجمال والاناقة وازا ما تتمكيج وتلبس وتتأنق ما تتوظف على شهادتها ؟؟؟ مو هاد سبب يغني هيك اغنية بالحقيقة انو احنا وطن عربي فيه مخاوف والعرب زبالة للاسف شعوب متخلفة ما نتعامل مع علم ولا شهادة حتى بوطنا منا الها قيمة مقابل الجمال فالافضل ازا المراة عندها اطفال واولاد ومو بحاجة للعمل لا انا مو مع عملها لكن ازا بحاجة للعمل تروح تعمل ولكن مو بحاجة اولادها وزوجها اولى انو تنفعهم بعلمها ،، تانيا في تخصصات اي مع انو الزوجة تعمل بالتنسيق مع بيتها متل دراسة الطب والتخصصات التي تحمل رسالة مجتمعية متل اخراج الافلام الوثائقية لكن متلا تعليم ومحاسبة وغيرو تفيد اولادها افضل ما في شي لازم يعطلني عن بيتي ازا زوجي موفرلي كل شي ، حتى بالاسلام طلب للمراة الي هي نصف المجتمع انها تكون مدرسة لبيتها واولادها وتتكرم وتعزز في بيتها واسفة على الاطالة وشكرا

  18. انا بحبك يا محمد اسكندر وخاصة يما بغني اغنية جمهورية قلبي

  19. سارة ملاك

    بفضل البنت تكون في البيت وتحرص على تربية اولادها ورعايت زوجها والاهتمام بيه واكثر شيء عجبني في الاغنية لما قال بكفي انك رئيسة جمهورية قلبي شو بدها البنت اكثر من هيك

  20. أنا حابب علق عالموضوع بس بطلب منكن رحابة الصدر وعذرا من البنات ﻷن المفروض تكون صدورهن مصونة ومانها رحبة على كل:
    الفنان محمد اسكندر رجل عبر عن رأيه بالموضوع وما فرضه على حدى فما في داعي لكل الحدة في الموضوع
    ما في حدى ضد عمل المرأة لو أن المرأة احترمت مشاعر زوجها أو أخوها أو أبوها يعني المفروض أنها رايحة عالعمل مو رايحة تعمل عرض أزياء ولا انتخاب ملكة جمال لحتى كل يوم تلبس أحلى ما عندها وتبرز مفاتنها لحتى تلفت انتباه الشباب.
    اذا كانت المرأة تتعلم فقط للتتوظف فأقول لها أن أحلامها سطحية جدا ﻷن المفروض أن المرأة تتعلم لتكتسب الثقافة والمعرفة التي تعينها على فهم الحياة بشكل أعمق قبل أن تفكر في وظيفة تجمدها في مكانها وتحولها الى انسان روتيني يحل الكلامات المتقاطعة من الملل.
    الكل يعلم علم اليقين أن المرأة ضعيفة ويمكن ابتزازها من قبل مدرائها أو استدراجها وبالتالي من حق زوجها أو أخوها أو أبوها أن يقلق عليها

    وللحديث بقية

  21. الاغنيه حلوه وفكرته جميله لموضوعات كتير هي تافهه بس واقعيه يعني احيانا الزوج يطلب او بمعني اصح يامر زوجته متلبسش ده او متخرجش او متشتغلش او غيره باي طريقه وممكن توصل للعصبيه لكنه هنا طلب بدافع الحب بعيدا عن التحكم والعصبيه والاوامر لكن خوفا عليها دا الاسلوب الصح للحوار بين زوجين الطلب بدفع الحب وهي اما ان تقبل لاقتناعها بحبه وسعادتها بخوفه عليها او تقنعه عن طريق الحب ان سعادتها انها تشتغل بس الحوار كله بدافع الحب مش اثبات شخصيه وفرض سيطره من كل واحد فيهم

  22. الاغنيه رائعه وتظهر فيها غيرت الحبيب ع حبيبته وفيها دلال للبنت وهاي الاغنيه اساسيه في كل الاعراس اللبنانيه والسوريه والعراقيه

  23. انا بحبك يا

    محمد اسكند خاص اسمي حلا تركال من البحريند
    ة عندما تغني هادي الاغنية

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s